រៀបចំអ្នកបម្រើព្រះនៅក្នុងប្រទេសកម្ពុជា ដើម្បីបំពេញមហាបេសកកម្មថ្វាយព្រះ

«មុនពេលមកសិក្សានៅ PPBS ខ្ញុំគ្រាន់តែអានព្រះគម្ពីរជាធម្មតា ហើយជារឿយៗ ខ្ញុំមិនសូវយល់ពីអត្ថន័យនៃខគម្ពីរប៉ុន្មានទេ ។ ប៉ុន្តែ​ការសិក្សា​នៅសាលាព្រះគម្ពីរនេះ បាន​ធ្វើ​ឲ្យ​ការ​យល់​ដឹង​របស់​ខ្ញុំ​កាន់​តែ​ប្រសើរ​ឡើង ក៏ដូចជាជាមួយនឹងការ​ពន្យល់របស់លោកគ្រូអ្នកគ្រូយ៉ាងហ្មត់ចត់បន្ថែមទៀត ​ពី​របៀប​សិក្សា​ព្រះគម្ពីរ។ តាម​រយៈ​ការ​សិក្សា​របស់​ខ្ញុំ​នៅ PPBS ខ្ញុំ​បាន​ខិតចូល​ជិត​ព្រះ​ខ្លាំង​ជាង​មុន»។

«ខ្ញុំបានរៀនច្រើនពីការសិក្សារបស់ខ្ញុំនៅ PPBS ហើយជាលទ្ធផល ខ្ញុំមានបំណងប្រាថ្នាចង់ប្រើអំណោយទានរបស់ខ្ញុំដើម្បីបម្រើព្រះ។ ខ្ញុំបានរៀនពីរបៀបរីកចម្រើនក្នុងសេចក្ដីជំនឿ ហើយដើរតាមព្រះឱ្យកាន់តែជិតស្និទ្ធ។ ឥឡូវនេះខ្ញុំដឹងពីជំនឿស្នូលរបស់គ្រីស្ទាន ហើយដូច្នេះអាចជៀសវាងការបោកបញ្ឆោតដោយការបង្រៀនមិនពិតបាន។ ជាមួយគ្នាដែរនៅ PPBS ខ្ញុំបានរៀនពីរបៀបដើម្បីឈានទៅដល់អ្នកជិតខាងរបស់ខ្ញុំជាមួយនឹងដំណឹងល្អ»។

«ខ្ញុំអាចរីកចម្រើនលូតលាស់កាន់តែជិតស្និទជាមួយព្រះយេស៊ូវ ហើយមានការយល់ដឹងកាន់តែស៊ីជម្រៅអំពីបទគម្ពីរ អរគុណព្រះចំពោះការសិក្សារបស់ខ្ញុំនៅសាលាព្រះគម្ពីរភ្នំពេញ។ ទោះបីជាការបម្រើព្រះអាចមានការពិបាកនៅពេលខ្លះក៏ដោយ ក៏ព្រះបន្ទូលរបស់ទ្រង់តែងតែបំផុសគំនិតខ្ញុំឱ្យរក្សាភាពរឹងមាំនៅក្នុងជំនឿ និងព័ន្ធកិច្ចរបស់ខ្ញុំ។ ខ្ញុំជឿថាការទៅសិក្សានៅសាលាព្រះគម្ពីរបានជួយខ្ញុំឱ្យបន្តបម្រើព្រះតាមវិធីផ្សេងៗជាច្រើន»។